55-ամյա Ջենիֆեր Լոպեսը և 52-ամյա Բեն Աֆլեքը պաշտոնապես ամուսնալուծության հայց են ներկայացրել։ Այս մասին հաղորդում է People-ը՝ հղում կատարելով դատական փաստաթղթերին։
TMZ-ը նշում է, որ աստղերը բոլոր ֆինանսական հարցերի շուրջ համաձայնության են եկել առանց երկարատև դատավարությունների. յուրաքանչյուրին մնում է այն, ինչ նրանք անհատապես ձեռք են բերել ամուսնության ընթացքում: Աֆլեքը պահպանել է իր մասնաբաժինը Artists Equity պրոդյուսերական ընկերությունում, որը նա հիմնել էր լավագույն ընկերոջ՝ Մեթ Դեյմոնի հետ։
Նախկին ամուսինները նույնպես պայմանավորվել են, թե ինչպես տնօրինեն ընդհանուր տունը, սակայն այս պայմանագրի մանրամասները չեն բացահայտվում։ Գույքը ներկայումս վաճառվում է։
Հիշեցնենք, որ Ջենիֆեր Լոպեսն ու Բեն Աֆլեքը ծանոթացել են 2001 թվականին «Gigli» ֆիլմի նկարահանման հրապարակում, որտեղ նրանք խաղում էին գլխավոր դերերը, և շուտով սկսվեց նրանց սիրավեպը։
2000-ականներին դերասանները Հոլիվուդի ամենավառ զույգերից էին, նրանք նույնիսկ նշանվեցին, բայց ի վերջո բաժանվեցին:
Նախկին սիրահարների վերամիավորումը տեղի ունեցավ 20 տարի անց և դարձավ ամենաքննարկվող իրադարձություններից մեկը շոու բիզնեսի աշխարհում, իսկ 2022 թվականի ամռանը Բենն ու Ջենիֆերը վերջապես ամուսնացան։
Սակայն նրանց ամուսնությունը երկար չտեւեց։ Ինչպես ասում են, երկրորդ բաժանման պատճառներից մեկն էլ նրանց տարբեր վերաբերմունքն էր հրապարակայնության նկատմամբ։
