Հոլիվուդյան աստղերն ու հայտնիները Կալիֆոռնիայում մոլեգնող ավերիչ հրդեհներով ողբերգության էպիկենտրոնում են: Հայտնի մարդիկ սոցցանցերում կիսվում են իրենց այրված տների կադրերով, խոսում այն օգնության մասին, որը նրանք պատրաստ են տրամադրել և դավադրության տեսություններ են տարածում տեղի ունեցողի վերաբերյալ:
Արքայազն Հարին և Մեգան Մարքլը իրենց կայքում հայտարարել են, որ իրենք բացում են իրենց տունը Մոնտեսիտոյում տարհանվածների համար և նվիրատվություններ են արել՝ օգնելու վերացնել հրդեհի հետևանքները։ Զույգը տուժածներին հագուստ, մանկական իրեր և առաջին անհրաժեշտության այլ իրեր է նվիրել։
Հոլլի Բերին և Շերոն Սթոունը հայտնել են, որ իրենց զգեստապահարանները նվիրաբերում են մարդկանց օգնելու համար: Դերասանուհի Ջեյմի Լի Քերթիսը, ով Թոմ Հենքսի պես գրեթե կորցրեց իր տունը, 1 միլիոն դոլար է նվիրաբերել Արտակարգ օգնության ֆոնդին։ Իսկ ահա Քիմ Քարդաշյանին սոցցանցերում քննադատում են աղետի հանդեպ իր անտարբերության համար։
Քիմ Քարդաշյանը քննադատության է ենթարկվել համացանցում այն բանից հետո, երբ նա հայտարարել է իր Skims ապրանքանիշի վաճառքի մասին՝ Լոս Անջելեսում զանգվածային հրդեհի ֆոնին։
Բելլա Հադիդը ցուցադրել է Լոս Անջելեսի այրված տունը, որտեղ անցկացրել է իր մանկությունը։ 28-ամյա մոդելը պատմել է, որ տունն ամբողջությամբ այրվել է իր մանկության ննջասենյակի հետ միասին:
Բրիթնի Սփիրսը հայտնել է, որ հրդեհների պատճառով ստիպված է եղել տարհանվել իր տնից, որի արժեքը կազմում է 7,4 միլիոն դոլար: Նա նշել է, որ «չորս ժամ» է ծախսել հյուրանոց հասնելու համար։
