«Կլոն» սերիալի աստղ, 48-ամյա Ջովաննա Անտոնելին սոցիալական ցանցերում հրապարակել է կատակերգական տեսանյութ, որը նկարահանել է սերիալի իր զուգընկերոջ և նախկին ընկերոջ՝ 52-ամյա Մուրիլո Բենիսիոյի հետ։ Դերասանները ցուցադրել են, թե ինչպիսին կլինեին Ջեյդն ու Լուկասը իրական կյանքում, եթե նրանք դեռ միասին լինեին։
Տեսահոլովակը ցուցադրում է առօրյա տեսարաններ. նախ Ջեյդը սրբիչ է գտնում բազմոցին, հետո նկատում է բարձրացված զուգարանի նստատեղը, այնուհետև սայթաքում է այն հողաթափերի պատճառով, որոնք Լուկասը թողել է սենյակում:
Ի պատասխան՝ նա պարզապես սիրառատ հայացքով նայում է Ջեյդին։ Տեսանյութը նաև գրառում ունի. «Եթե Ջեյդն ու Լուկասը միասին լինեին՝ ընդունում ենք հաջորդ տեսահոլովակի գաղափարները»:
