Բրիթնի Սփիրսը ներկայացրել է Mind Your Business նոր թրեքը, որը ձայնագրել է The Black Eyed Peas-ի մենակատար Will.i.am-ի հետ միասին։ 41-ամյա կատարողի երկրպագուների արձագանքն այս երգին հակասական էր, շատերը քննադատեցին այն։
Նոր կոմպոզիցիայում Բրիթնին հանդես է գալիս որպես աստղ՝ հոգնած պապարացիների մշտական մոլուցքային ուշադրությունից։ Սփիրսը երգում է այն մասին, որ իրեն ամենուր հետևում են լրագրողները, ովքեր փորձում են պարզել, թե ինչ է կատարվում իր հետ և ինչ է նա անում. ի պատասխան՝ նա խորհուրդ է տալիս նրանց ավելի լավ զբաղվել իրենց գործով:
Շատերը գրում են, որ տպավորություն է, թե արհեստական ինտելեկտն է «երգում» թրեքում Սփիրսի փոխարեն, ինչը, իբր, ևս մեկ անգամ հրահրում է խոսակցություններն այն մասին, որ երգչուհին վաղուց մահացել է: Մյուսները նշում են, որ երգն այնքան վատն է, որ «ավելի լավ կլիներ, եթե Բրիթնին իսկապես մահանար», քան նման երգեր ձայնագրեր։ Քննադատները կոմպոզիցիան անվանում են «ձախողված» ու «սարսափելի»։
