Սելենա Գոմեսը Instagram-ի իր էջում դիմել է երկրպագուներին. 30-ամյա երգչուհին, ով վերջերս պատրաստվում էր հրաժարվել սոցիալական ցանցերից՝ այնտեղ տարածված ատելության պատճառով, նոր գրառում է հրապարակել իր անձնական բլոգում` սթորիների բաժնում։ Նա հանդես է եկել ի պաշտպանություն իր նախկին ընկերոջ՝ Ջասթին Բիբերի կնոջը՝ Հեյլիին, որին պարբերաբար սպառնում են երգչուհու երկրպագուները։
Վերջերս Հեյլիի նկատմամբ ատելության նոր ալիք սկսվեց, և նա որոշեց ուղղակիորեն անձամբ կապ հաստատել Սելենայի հետ և օգնություն խնդրել նրանից։
«Հեյլի Բիբերը կապվեց ինձ հետ և ասաց, որ ինքը մահվան սպառնալիքներ և այլ բացասական հաղորդագրություններ է ստացել: Նման վարքի հավանություն չեմ տալիս: Ոչ ոք չպետք է դառնա ատելության կամ ահաբեկման զոհ: Միշտ պաշտպանել եմ բարությունը և իսկապես ուզում եմ, որ այս ամենը դադարի, – գրել է նա։
Հարկ է նշել, որ երկար տարիներ Սելենային ու Հեյլիին թշնամանք էին վերագրում, իսկ երգչուհու երկրպագուների բազմամիլիոնանոց բանակը պարբերաբար բացասական մեկնաբանություններ ու հաղորդագրություններ էր գրում մոդելին։ Աղջիկները բազմիցս ապացուցել են, որ իրենց միջև թշնամություն չկա։ Նրանք միասին լուսանկարվել են և ջերմորեն խոսել միջոցառումներից մեկի ընթացքում:
Բացի այդ, Հեյլին հայտարարել է, որ ինքը Ջասթին Բիբերին չի գողացել Սելենա Գոմեսից։
Սելենա Գոմեսը և Հեյլի Բիբերը սկսել են հետևել միմյանց Instagram-ում այն բանից հետո, երբ մոդելը շնորհակալություն է հայտնել երգչուհուն աջակցության համար՝ հակասությունների խոսակցությունների ֆոնին:
Հիշեցնենք, Հեյլի Բիբերի նկատմամբ ատելության հերթական ալիքը բարձրացավ այս տարվա սկզբին։ Մոդելը tiktok-ում տեսանյութ էր տարածել, որում, ոմանց կարծիքով, ծաղրել էր Սելենային։ Տեսանյութը թողարկվել էր հենց այն ժամանակ, երբ Գոմեսը մեծ ուշադրություն էր գրավում պապարացիների արված մի շարք լուսանկարների համար, որոնք արվել էին Մեքսիկա կատարած իր ճանապարհորդության ժամանակ: Ինքը՝ Բիբերը, ասել է, որ չի էլ մտածել Գոմեսի վրա ծիծաղել։
Հիշեցնենք, որ Ջասթին Բիբերի և Սելենա Գոմեսի երկար ու դժվար հարաբերություններն ավարտվել են 2018թ. Այնուհետև երգիչը բախվեց դեպրեսիայի և հոգեբանական խնդիրներ ունեցավ, իսկ Ջասթինը բառացիորեն մեկ ամիս անց սկսեց հանդիպել Հեյլի Բիբերի հետ, ում հետ նա արդեն մեկ անգամ հարաբերություններ էր ունեցել։
Գրեթե անմիջապես երգիչը մոդելին առաջարկություն էր արել։ Սա, իհարկե, շատ էր զայրացրել Սելենայի երկրպագուներին. Հեյլի Բիբերը շարունակում էր ատելության ենթարկվել սոցիալական ցանցերում նույնիսկ տարիներ անց՝ ամուսնությունից հետո։
