Սելենա Գոմեսը պաշտոնապես դարձել է Instagram-ի պատմության մեջ առաջին կինը, ում հետևորդների թիվը հասել է 400 միլիոնի։ Դա տեղի ունեցավ մեկ ամիս անց, երբ նա հետևորդների քանակով շրջանցել է Քայլի Ջեներին։
Մի քանի շաբաթ առաջ «Սպանություններ նույն շենքում» հեռուստասերիալի աստղը հավաքեց 381 միլիոն բաժանորդ՝ դրանով իսկ առաջ անցնելով Քայլիից։ Իսկ արդեն մարտի 17-ին Սելենայի հետեւորդների թիվը գերազանցել է 400 միլիոնը։
Հետևորդների թվով երգիչուհուց առաջ է միայն սոցցանցում ամենահայտնի մարդը՝ ֆուտբոլիստ Կրիշտիանու Ռոնալդուն, որն ունի 562 միլիոն հետևորդ, ինչպես նաև նրա գործընկեր Լիոնել Մեսսիին՝ 442 միլիոն հետևորդով։
