Քայլի Ջեններն առաջին անգամ ցուցադրել է որդու լուսանկարները, ով ծնվել է 2022 թվականի փետրվարին։
Աստղը մի քանի նկար է տեղադրել սոցցանցում, իսկ հրապարակման մակագրության մեջ գրել է փոքրիկի անունը՝ Էյր (Aire): Սկզբում զույգը տղային անվանել էր Վուլֆ, բայց հետո որոշել, որ այս անունը իրեն չի սազում։
Էյրը Քայլի Ջեների և երաժիշտ Թրևիս Սքոթի կրտսեր երեխան է։ Զույգն ունի նաև 4 տարեկան դուստր՝ Սթորմին։ Քայլին և Թրեվիսը սկսել են հանդիպել 2017 թվականին, սակայն ռեփերին բազմիցս մեղադրել են ընկերուհուն դավաճանելու մեջ։
Իրենց դստեր ծնվելուց հետո Քայլին և Թրեվիսն ընդմիջեցին հարաբերությունները, վերամիավորվեցին որդու ծնվելուց քիչ առաջ, իսկ վերջերս ինսայդերները կրկին հայտնեցին բաժանման մասին. ամեն դեպքում, Ամանորի տոներին հայտնիները հանգստանում էին միմյանցից առանձին, չնայած նրանք ծրագրել էին արձակուրդները միասին անցկացնել։
