Լոս Անջելեսի LACMA արվեստի թանգարանում տեղի ունեցավ ամենամյա Art + Film Gala-ն, որը նշում է կինոարդյունաբերության, նորաձևության և ժամանակակից արվեստի նվաճումները:
Այս տարի հատուկ ուշադրության են արժանացել «Օլդբոյ» և «Հեռանալու որոշում» ֆիլմերի ռեժիսոր Պարկ Չան Վուկը և նկարչուհի Հելեն Փաշգյանը։
Երեկոյի գլխավոր աստղերն էին Բիլի Այլիշը և նրա բոյֆրենդը՝ The Neighborhood-ի մենակատար Ջեսսի Ռադերֆորդը։ Զույգը պաշտոնապես առաջին անգամ էր միասին հայտնվում լուսանկարիչների առջև, այն էլ՝ Gucci-ի վերմակով փաթաթված։
Միջոցառմանը մասնակցել են նաև Փերիս Հիլթոնը, Քիմ Քարդաշյանը, Քենդալ Ջեները, Էդրիեն Բրոուդին, Հայդի Քլումը, Օլիվիա Ուայլդը, Ալեսանդրա Ամբրոսիոն, Ջարեդ Լետոն, Måneskin խումբը և այլ աստղեր։
Շատերը կրում էին Gucci, քանի որ իտալական նորաձեւության տունը միջոցառման գլխավոր հովանավորն էր։
