Շարունակում ենք աշխատել ու բարելավել IMUSIC հավելվածը՝ այն վերածելով էլ ավելի հարմար հարթակի, որտեղ բացի սիրելի երաժշտությունը լսելուց կարելի է նաև այլ գործառույթներ իրականացնել։
IMUSIC հավելվածն էլ ավելի հարմար դարձնելով` ավելացրել ենք նոր գործառույթ, որը, վստահաբար, դառնալու է ամենասիրվածներից ու պահանջվածներից։
Այսպիսով՝ այսուհետ Հայաստանում տեղի ունեցող տարբեր միջոցառումների տոմսերը կարող եք ձեռք բերել հենց IMUSIC հավելվածով։ Միջոցառումներ հատվածում կարող եք տեսնել հասանելի իրադարձությունն ու ձեռք բերել տոմսը։
Միջոցառումների հատվածը հասանելի է նաև հենց Ձեր անձնական օգտահաշիվներում։
Բացի այդ՝ IMUSIC-ում ներկայացված արտիստների էջերում ևս ավելացված է միջոցառումների հատվածը, որտեղ կարող եք ծանոթանալ տվյալ արտիստի սպասվող համերգին ու միանգամից տոմս ձեռք բերել։
Գործարկում ենք այս գործառույթը՝ հասանելի դարձնելով Coca-Cola Music Fest-ի տոմսերը, որոնք հենց այս պահին կարող եք ձեռ բերել հավելվածի միջոցով։
Արագ, հեշտ ու հարմար՝ գնե՛ք տոմսեր՝ շարունակելով վայելել սիրելի երգերը։
