Թեյլոր Սվիֆթը նշանվել է բրիտանացի դերասան Ջո Ալվինի հետ։ Զույգը մոտ 6 տարի է, ինչ հանդիպում է։
Նշանադրության մասին խոսակցությունները սկսեցին շրջանառվել դեռևս հունվարի կեսերին, երբ զույգը եռօրյա ռոմանտիկ ճանապարհորդության մեկնեց։ Ու չնայած, որ պաշտոնական հաստատում դեռևս չկա, նշանադրության մասին լուրերը կրկին շրջանառության մեջ են։
Երգչուհին ու դերասանը փորձում էին հասարակությունից թաքցնել իրենց սիրավեպը, գուցե այն պատճառով, որ Թեյլոր Սվիֆթի հարաբերությունները միշտ էլ մեծ ուշադրություն են գրավել լրատվամիջոցների կողմից։ Մյուս կողմից, Ալվինն ակնհայտորեն նախընտրում է չխոսել անձնականից, օրինակ՝ 2018 թվականին Vogue-ին տված հարցազրույցում նա խուսափել է պատասխանել իր անձնական կյանքի մասին հարցերին։
Ջո Էլվինին ու Սվիֆթին, սակայն, ոչ միայն ռոմանտիկ հարաբերություններն են միավորում․ դերասանը նաեւ երգչուհու ստեղծագործական գործընկերն է։ Նա Սվիֆթի Folklore և Evermore ալբոմների մի քանի երգերի համահեղինակն է։
