Artik & Asti դուետի նախորդ տարեվերջին դադարեց գոյություն ունենալ՝ համենայն դեպս այն կազմով, որին սովոր էինք տեսնել։ Սակայն դուետի բաժանման հստակ պատճառներ այդպես էլ չնշվեցին։ Այժմ նոր մանրամասներն են շարունակում ի հայտ գալ։
Խմբի նախկին մենակատարուհի Աննա Ձյուբան Avtoradio YouTube ալիքի եթերում բացահայտել է դրանցից մի քանիսը։
Երգչուհին խոստովանել է, որ կորցրել է նույնիսկ այն երգերի իրավունքները, որոնք ինքն է գրել։ Միևնույն ժամանակ, ֆինանսապես նա որևէ բողոք չի ունեցել իր նախկին գործընկեր Արտեմ Ումրիխինի դեմ։
«Նույնիսկ իմ երգերի տերը չեմ: Պայմանագիրս ավարտվել է դեռ 2019 թվականին, աշխատել եմ խղճով ու նվիրվածությամբ՝ հին պայմաններով։ Դե եղավ այն՝ ինչ եղավ: Առանձնացա՝ առանց ոչնչի», ասել է Աննան:
Ավելի վաղ հայտնի էր դարձել, որ Artik & Asti-ն նոր մենակատար ունի` Սևիլ Լևիևան, ում մասին պատմել ենք այստեղ։
