33-ամյա երգչուհի Ջեսի Ջեյը Ինստագրամի իր էջում հայտնել է, որ վիժում է ունեցել։ Երգչուհին խոստովանել է, որ իր հղիության մասին լուրը գաղտնի էր պահում:
«Երրորդ ուլտրաձայնային հետազոտությունից հետո ինձ ասացին, որ երեխայի սիրտն այլևս չի բաբախում։ Այսօր առավոտյան զգացի, որ չեմ կարող զսպել զգացմունքներս: Երևի քիչ անց կփոշմանեմ, որ հիմա գրում եմ այս մասին», գրել է երգչուհին՝ հրապարակելով հղիությունը հաստատող թեստի լուսանկարը։
Երգչուհին նաև պատմել է, որ որոշում է կայացրել միայնակ մայր դառնալ։ Ջեսսի խոսքով՝ հղիությունն իր համար իսկական հրաշք էր, քանի որ նախկինում նրա մոտ անպտղություն էր ախտորոշվել:
Երգչուհին նաեւ հայտնել է, որ չի տեղափոխում երեկոյան կայանալիք համերգը։
