Սելենա Գոմեսը հայտարարել է հոգեկան առողջության մեդիա քարոզարշավի մասին, որը կոչվում է WonderMind։ Այն կմեկնարկի հաջորդ տարի: Այս մասին նա խոսել է Entrepreneur ամսագրին տված հարցազրույցում։
Երգչուհին արշավը սկսելու է մոր՝ հոլիվուդյան պրոդյուսեր Մենդի Թիֆիի և ընկերուհու՝ Դանիել Փիրսոնի հետ միասին։
Նախագիծը ներկայացնում է փոդքաստներ, ամենօրյա խորհուրդներ հոդվածների տեսքով, հարցազրույցներ և հոգեկան առողջությունը պահպանելու համար օգտակար գործիքներ:
Գոմեսը կարևորել է հոգեկան առողջությունը՝ մանրամասնելով այն հոգեկան խնդիրները, որոնց բախվել է, մասնավորապես՝ սոցիալական ցանցերում քննադատությունների պատճառով։ Վերջին շրջանում Սելենան հաճախ էր քննադատվում արտաքինի համար:
Դեպրեսիայի արդյունքում Գոմեսը նույնիսկ բուժում է անցել վերականգնողական կլինիկայում։
2018 թվականին երգչուհու մոտ երկբևեռ խանգարում էր ախտորոշվել։ Գոմեսը հանրայնորեն խոսում է իր խնդիրների մասին և ցանկանում է, որ մտավոր խնդիրներ ունեցող մարդիկ բացահայտ խոսեն դրանց մասին իր քարոզարշավի միջոցով՝ չվախենալով քննադատությունից: