Måneskin- ը նոր տեսահոլովակ է ներկայացրել, որ նկարահանվել է «MAMMAMIA» երգի հիման վրա։
Այս տարվա Եվրատեսիլ մրցույթի հաղթողների նոր երգի հիման վրա նկարահանված տեսահոլովակը բավականին դաժան է ստացվել։ Տեսահոլովակում տեսնում ենք բենդի մասնակիցներից երեքին, ովքեր ծրագրում են ֆրոնթմենի՝ Դամիանո Դեյվիդի սպանությունը։
«Մենք այս երգին շատ լուրջ չենք վերաբերվել։ Թեթեւ երգ է, շատ արագ ենք գրել, մենք երբեք նման բան չենք արել: Մենք պարզապես փորձում էինք զվարճանալ ու վայելել», պատմել է բենդի բաս կիթառահար Վիկտորիա դե Անջելիսը:
