Քիմ Քարդաշյան՝ դու՞ ես

Քարդաշյանի վերջին լուքն իսկապես զարմացնող է՝ ոտքից գլուխ կաշվե հագուստ։

Եվ երբ մենք ասում ենք գլուխ՝ մենք իսկապես գլուխն էլ նկատի ունենք։ Քիմն այս անգամ ամբողջովին թաքցրել է դեմքը կաշվե դիմակով։

Այս լուսանկարները 40 – ամյա ռեալթի շոուների աստղը հրապարակել է սոցիալական հարթակների իր էջերում։ Մեկնաբանություններում երկրպագուները նույնիսկ կասկածում են, թե արդյոք սա իրոք Քիմն է։

Իրականում Քիմն այս տեսքով ժամանել է Նյու Յորք՝ Met Gala 2021 -ին մասնակցելու։ Բացի այդ ռեալթի շոուների աստղը մասնակցելու է նաեւ Նյու Յորքի նորաձեւության շաբաթին։

Քարդաշյանը կրկնել է ամուսնու՝ Քանյե Ուեսթի լուքը։ Հիշում եք, չէ՞, “Donda” ալմբոմի շնորհանդեսին Քանյեն ևս նմանատիպ դիմակով էր։

Ի դեպ, Քիմը կրում է Balenciaga – յի կրեատիվ տնօրեն Դեմնա Գվասալիայի ստեծղած հագուստը։ Հենց վերջինիս հետ է Քանյեն համագործակցել նաեւ “Donda” – յի շնորհանդեսի ընթացքում։