Յահու՜, շվեդական ABBA լեգենդար խումբը վերադարձել է: Խումբը վերջին 40 տարվա ընթացքում առաջին անգամ հայտարարեց նոր ալբոմի թողարկման մասին և ներկայացրեց երկու նոր ստեղծագործություն: Ալբոմը, որը կոչվում է “Voyage”, կթողարկվի նոյեմբերի 5 -ին:
Նոր ալբոմը կներառի 10 երգ, որոնցից երկուսը ՝ “I Still Have Faith In You”- ն և “Donʼt Shut Me Down” – ը, խումբը ներկայացրել էր վիրտուալ ասուլիսի ժամանակ:
Լուսանկարը՝ BBC 
Լուսանկարը՝ Guardian
Հաջորդ տարի խումբը վիրտուալ համերգներով հանդես կգա Լոնդոնում, որոնց ընթացքում ելույթ կունենան ոչ թե խմբի իրական անդամները, այլ նրանց երիտասարդ թվային տարբերակները՝ հոլոգրամների տեսքով։
ABBA – ն հիմնադրվել է 1972 թվականին։ Երկու տարի անց խումբը հաղթեց «Եվրատեսիլ» երգի մրցույթում։ Խմբի մասնակիցներն են Բյորն Ուլվեուսը, Բենի Անդերսոնը, Ագնետա Ֆելտսկուգը և Անի Ֆրիդ Լինգստադը։
